1. Басты
  2. Біл
  3. Оқиға
  4. Тосын жай

Оралда полицейлер ер адамды өрттен құтқарып алды

©Батыс Қазақстан облыстық ІІД баспасөз қызметі ©Батыс Қазақстан облыстық ІІД баспасөз қызметі

Батыс Қазақстан облысының полиция қызметкерлері ер адамды өрттен құтқарды, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап. 

Аға лейтенант Мұхит Әбілқайыровтың айтуынша, өрт туралы оларға көшеде кетіп бара жатқан адам хабарлаған. "Оқиға орнына келген кезде көпқабатты үйдің терезесінен шығып жатқан өртті аңғардық. Үйге кіру мүмкін болмаған соң терезе арқылы кіруді ұйғардық. Үйге кірген кезде есіктің кілтін таба алмай, есінен танып құлаған ер адамды байқап, сырқа балкон арқылы алып шықтық", - деді ол.

Полиция қызметкерлерінің айтуынша, оқиға орнына құтқарушылар келіп, өртті ауыздықтады. Есінен танған ер адам облыстық ауруханаға жіберілді.