![© mgorod.kz](/userdata/news_kk/2019/news_297373/thumb_b/photo_55634.jpg)
Оралда полиция көлігі Lexus автомобиліне соқтығысты. Жол-көлік оқиғасы бүгін, 24 сәуірде, түнгі 01:00 шамасында Құрманғазы және Досмұхамедов көшелерінің қиылысында болған, - деп хабарлайды "Мой ГОРОД".
Оралда полиция көлігі Lexus автомобиліне соқтығысты. Жол-көлік оқиғасы бүгін, 24 сәуірде, түнгі 01:00 шамасында Құрманғазы және Досмұхамедов көшелерінің қиылысында болған, - деп хабарлайды "Мой ГОРОД".
БҚО полиция департаменті баспасөз қызметінің мәліметінше, Орал қаласының жол-патрульдік полиция батальоны қызметкері Shkoda Octavia қызметтік автокөлікпен Құрманғазы көшесімен келе жатып, бағдаршамның қызыл түсіне өтіп кеткен.
"Соның салдарынан ол Lexus автомобиліне соқтығысқан. Жол апатынан ешкім зардап шеккен жоқ. Осы дерекке қатысты қызметтік тексеру жүргізіліп жатыр", - деп түсіндірді ведомство өкілдері.
Алайда, БҚО денсаулық сақтау басқармасының мәліметінше, жол-көлік оқиғасы салдарынан екі адам зардап шеккен. Екеуі де облыстық көпсалалық ауруханаға жатқызылған.