+7 (777) 001 44 99
Қазақша
Русский
English
Желіде полиция көлігіне (УАЗ) мінгесіп алып, әдепсіз қимылдар жасаған ер адамның видеосы тарады. Видеоны оқиғаның куәгерлері түсіріп алған. Орал полицейлері бұзақының жеке басын анықтады, - деп хабарлайды Tengrinews.kz тілшісі.
Оқиға Орал қаласының көлік көп жүретін көшелерінің бірінде, орталық базар маңында болған. Бұл кезде полиция көлігі аумақты бақылап жүрген.
Полиция департаменті мәліметінше, 37 жастағы ер адам ұсталған.
"ҚР ӘҚБтК-нің 615-бабы "Жаяу жүргіншілердің және жол қозғалысының өзге де қатысушыларының жол жүру ережелерін бұзуы", ҚР ӘҚБтК-нің 440-бабы "Алкогольдік ішімдіктерді ішу немесе қоғамдық орындарға масаң күйде келу", ҚР ӘҚБтК-нің 434-бабы "Ұсақ бұзақылық" бойынша хаттамалар толтырылды. Материалдар әкімшілік сотқа қарау үшін жіберілді", - деді БҚО Полиция департаментінің баспасөз қызметі өкілдері.
Айта кетейік, кейінірек Желіде ұсталған азаматтың қоғамдық орында жасаған әрекеті үшін кешірім сұраған видеосы жарияланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
