+7 (777) 001 44 99
Қазақша
Русский
English
Оралда жеке тұрғын үйде болған жарылыстан 6 адам зардап шекті, - деп хабарлайды Tengrinews.kz тілшісі.
Облыстық денсаулық сақтау басқармасындағылардың айтуынша, зардап шеккендер облыстық клиникалық ауруханаға, қалалық көпсалалы ауруханаға және облыстық балалар ауруханасына жеткізілген. Оларға қажетті медициналық көмек көрсетілуде.
Төтенше жағдайлар департаментінің өкілдері осы оқиға туралы хабар кезекші бөлімге 18 қарашада 09:58-де түскенін айтады. "Зашаған ауылының Бөкенбай көшесінде орналасқан жеке үйде газ жарылған. Осының салдарынан үйдің мансарды опырылған. Оқиға орнынан денесінің 85 пайызы күйіп қалған 35 жастағы әйел ауруханаға жеткізілді. Ол жүктіліктің 31-ші айында болған. Зардап шеккен әйел облыстық клиникалық ауруханасының жансақтау бөліміне жатқызылды. Оның жағдайы аса ауыр деп бағаланады", - деді БҚО ТЖД баспасөз қызметінің өкілі Нұргүл Мұқанова.
