+7 (777) 001 44 99
Қазақша
Русский
English
Өскеменде бірнеше күн бұрын жоғалған 17 жастағы Ерзат Ғазизов іздестіріліп жатыр, - деп хабарлайды YK-news.kz.
"9 маусымда Ерзат ата-анасымен "Ивушка" дүкенінің маңындағы Асханада түскі ас ішкен. Сосын ол белгісіз бағытта кетіп, одан кейін көрмедік", - дейді әпкесі Перизат.
Туысының айтуынша, жігіт үйінде телефоны мен сөмкесін алып кеткен, өзінде тек куәлігі болыпты.
"Достары оның Семейге кеткісі келіп жүргенін айтып отыр. Сөйтсек, ол бізге айтпастан, сол жаққа кетіп қалып жүрген екен", - дейді қыз.
Туыстары оны іздеп таба алмаған. "Телефонын бұғаттапты, кеше ғана аша алдық. Бірақ ешқандай да мәлімет таба алмадық, бәрін өшіріп тастапты. Енді полицияға арыз жазамыз", - дейді әпкесі.
Жоғалған күні Ерзаттың қара түсті джинс шалбары, футболкасы және қара кроссовкасы болған. Үстінде қара күртесі бар. Бойы шамамен 160 сантиметр, оң аяғын сылтып басады. Ерзат туралы хабары бар адамдардан 8 (777) 790 84 34 нөміріне хабар беру сұралып отыр.
