+7 (777) 001 44 99
Қазақша
Русский
English
Өскеменде азық-түлік дүкенінде өрт шығып 30 адам эвакуацияланды, - деп хабарлайды Tengrinews.kz тілшісі ШҚО ТЖД мәліметіне сілтеме жасап.
"22 маусымда сағат 4.40-та Сәтбаев даңғылындағы азық-түлік дүкенінде өрт шықты. Дүкен он қабатты тұрғын үйдің 1-қабатында орналасқан. Сауда жабдықтары мен азық-түлік өнімдері жанды.
Оқиға орнына келген ШҚО ТЖД қызметкерлері баспалдақ арқылы 30 адамды, оның ішінде 6 баланы эвакуациялады", - делінген хабарламада.
Сағат 5.40-та 25 шаршы метр алаңда өрт сөндірілді. Қайтыс болғандар мен зардап шеккендер жоқ. Өртті сөндіруге жеке құрамнан 35 адам және 11 техника жұмылдырылған.
Өрттің алдын ала себептері: электр жабдығының авариялық жұмыс режимі және электр жабдығын орнату мен пайдалану кезінде өрт қауіпсіздігі талаптарын сақтамау.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
