1. Басты
  2. Біл
  3. Оқиға
  4. Тосын жай

Өскеменде жоғалып кеткен 19 жастағы студент өлі күйінде табылды29 ақпан 2016, 12:00

Татьяна Бекова Татьяна Бекова

15 ақпанда жоғалып кеткен Татьяна Бекованың мәйітін қала шетінде итін серуендетіп жүрген ер адам тауып алған. Ол полицияны шақырған. Тәртіп сақшылары қыздың экономика және қаржы колледжінде оқыған 19 жастағы студент екенін анықтаған. Татьяна жоғалар алдында мұғалімдеріне енді бұл оқу орнында оқымайтынын айтып кеткен, - деп хабарлайды Tengrinews.kz тілшісі.

"Зорлық белгілері табылмады, дене жарақаты жоқ, сөмкесі мен жеке заттары өзімен бірге болды, - деп хабарлады ШҚО ІІД баспасөз өкілдері. - Алайда мәйіттің қасында медициналық дәрі-дәрмектің бос тыстары табылды. Қазіргі уақытта қыздың өлімінің себебін анықтау мақсатында сот-медициналық сараптама жүріп жатыр".

Татьянаны полицейлермен бірге туыстары, достары, еріктілер, колледждің әкімшілігі мен студенттері іздеді. Олар қыздың суреттерін бағаналарға іліп, көшедегілерге таратып, әлеуметтік желілерде хабарландыру берген еді.