Өскеменде қоқыстан баланың бассүйегіне ұқсас зат табылды

28 Наурыз 2017, 12:03
0
Өскеменде қоқыстан баланың бассүйегіне ұқсас зат табылды - Сурет әлеуметтік желіден.
Сурет әлеуметтік желіден.

Өскемен қаласының тұрғыны бассүйекке ұқсас боялған кішкене затты қоқыс маңынан тауып алған. Қазір ШҚО ІІД өкілдері бассүйек шынайы ма, жасанды ма - тексеріп жатыр, - де хабарлайды Tengrinews.kz тілшісі. 

Қала тұрғыны бас сүйектің суретін желіге салған. 

"Қарайып кеткен бассүйек адамдікіне ұқсайды, тексеріп жатпадым. Бірден полиция шақырдым. Полицейлер оны сараптамаға алып кетті", - дейді ол. 

Қазіргі кезде аймақтың құқық қорғау органдары сараптама жүргізіп жатыр.  

"Шағын бассүйектің табылғаны рас, ескі, боялған. Әзірше ол адамдікі ме, әлде маймылдікі ме, тіпті, мүлде жасанды ма, белгісіз. Мүмкін бұл муляж да шығар. Қазір қажетті сараптамалар жүріп жатыр", - дейді ведомство өкілдері. 

Сараптама қорытындысы шыққанан кейін полицейлер мұның қоқысқа қалай түскенін анықтайды. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай