+7 (777) 001 44 99
Қазақша
Русский
English
Өскеменде полиция тұрғыннан оқ ататын қалам тәркіледі, - деп хабарлайды Tengrinews.kz тілшісі.
Шығыс Қазақстан облысы полиция департаменті криминалды басқармасының қызметкерлері 34 жастағы өскемендіктің үйінен ерекше қаламды тапқан. Қалам пәтердің қабырғасына жасырылған.
"Криминалистің сараптамасына сәйкес, тәркіленген металл қаламнан оқ атуға болады. Ол атыс қаруы болып саналады. Оқ ататын қалам сигналды ракетаның бөлшегінен жасалған", - дейді Шығыс Қазақстан облысы полиция департаментінің басшысы Сағат Мәдиев.
Сондай-ақ, тәртіп сақшылары тұрғынның пәтерін тінту барысында газ тапаншасы мен екі пышақ тапқан.
Бұл факті бойынша ҚР Қылмыстық кодексінің 287 бабы 3 тармағы бойынша сотқа дейінгі тергеу басталды.
Егер күдіктінің сотта кінәсі дәлелденсе, ол 5 АЕК көлеміне айыппұл немесе 5 жылға бас бостандығынан айырылуы мүмкін.
Қазақстан жаңалықтары. Соңғы жаңалықтар. Telegram желісінде бізге жазыл!
