+7 (777) 001 44 99
Қазақша
Русский
English
Өскеменде сүйікті қызымен жанжалдасып қалған жігіт көлік астына өзі барып түспекші болды. Жол-көлік оқиғасының видеосы бейнебақылау камерасына түсіп қалған, - деп хабарлайды YK-avto.kz қалалық ІІБ-нің баспасөз қызметіне сілтеме жасап.
Оқиға 21 желтоқсанда сағат 10.20-да Октябрьский көшесінде болған. 1999 жылғы жігіт қызымен серуендеп жүрген. Сосын араларында кикілжің туып, жігіт көлік астына түсемін деп қорқытқан. Қызы болса оның айтқанына мән бермеген.
Осы уақытта жігіт өтіп бара жатқан Lexus көлігіне қарай жүгірген.
"Зардап шеккен жігіт миы шайқалып, бассүйек-ми жарақатын алған, ол ауруханаға жеткізілді", - деп хабарлады ІІБ өкілдері.
Полицияның мәліметінше, апатқа жаяу жүргінші кінәлі. Оған айыппұл салыныпты.
