Өткен демалыс күндері елімізде төрт бала терезеден құлап кеткен

25 Шілде 2016, 12:48
0
Өткен демалыс күндері елімізде төрт бала терезеден құлап кеткен - © Тұрар Қазанғапов
© Тұрар Қазанғапов

Балалардың қатысуымен болған қайғылы оқиғалар тыйылмай жатыр. Өткен демалыс күндері төрт бала көпқабатты үйлердің терезесінен құлап кеткен, - деп хабарлайды Tengrinews.kz тілшісі Төтенше жағдайлар комитетінің баспасөз қызметіне сілтеме жасап.

23 шілдеде Қарағанды облысында екі жағдай тіркелген. Теміртау қаласында төртінші қабаттағы пәтердің терезесінен ата-анасының қарауынсыз қалған 2014 жылы туған сәби құлап кетіп, ауруханаға жеткізілген. Осы өңірдің Саран қаласында үшінші қабаттағы пәтердің терезесінен ата-анасының қарауынсыз қалған 2012 жылы туған сәби құлап кетіп, ауруханаға жеткізілген.

24 шілдеде Тараз қаласында бесінші қабаттағы пәтердің терезесінен ата-анасының қарауынсыз қалған 2014 жылғы сәби құлап кетіп, ауруханаға жеткізілген. Сол күні Екібастұз қаласында белгісіз жағдайда сегізінші қабаттағы пәтердің терезесінен ата-анасының қарауынсыз қалған 2012 жылғы сәби құлап кетіп, ауруханаға жеткізілген.

Балалардың қатысуымен болған оқыс жағдайлардың көбісі ата-ананың бақылаусыз қалдыруы себеп болып отыр екен.

Осыған байланысты ТЖ Комитеті ата-аналарға балаларын тасада қалдырмауын және сақ болуын сұрайды. Кішкентай балалар қауіптің қандай деңгейде екендігін ажырата алмайды. Сондықтан да аз уақытқа қараусыз қалдырудың өзі қайғылы жағдайға душар етуі мүмкін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай