+7 (777) 001 44 99
Қазақша
Русский
English
Түркістан облысында учаскелік полиция инспекторлары жігіттің өмірін сақтап қалды, - деп хабарлайды Tengrinews.kz тілшісі ІІМ баспасөз қызметіне сілтеме жасап.
Түркістан облысы Бәйдібек ауданының учаскелік полиция инспекторлары түнгі кезекшілік жұмысын аяқтап, үйіне қайтып бара жатқанда жергілікті тұрғын қоңырау шалады.
"Әйел адам үйінде қалған 19 жастағы ұлымен байланыса алмай отырғанын айтып, көмек сұрайды. Сақшылар тез арада оқиға орнына жетіп, пәтер есігін қағып, қоңырау соғады. Үйдің ішінен ұялы телефонның шырылы естілгенімен ешкім жауап бермеген. Сақшылар іште адам барын түсініп есікті күшпен ашады. Үйге кіріп ес-түссіз жатқан жігітті жедел түрде қызметтік көлікпен орталық ауруханаға жеткізді", - делінген хабарламада.
Желдің салдарынан газ жүйесіне ақау келіп көгілдір отын үйге тарағаны анықталған. Қазіргі уақытта зардап шеккен жігіттің жағдайы тұрақты және дәрігерлер бақылауында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
