Павлодар облысында атқорадан өрт шығып, тоғыз жылқы өлді

09 Қазан, 12:25
0
Павлодар облысында атқорадан өрт шығып, тоғыз жылқы өлді - © ichef.bbci.co.uk
© ichef.bbci.co.uk

Тілсіз жау Павлодар облысы Павлодар ауданының Ольгинко ауылында тіркелген, - деп хабарлайды "Павлодар жаңалықтары" облыстық ТЖД баспасөз қызметіне сілтеме жасап. 

"Кеше, 8 қазан күні сағат 16.42-де кезекшілік бөліміне № 3 өрт сөндіру бөлімінен 70 шақырым қашықтықта орналасқан шаруа қожалығының аймағында өрт шыққаны туралы хабарлама түсті. Шлактан құйылған базаның ағаш құрылымдары мен төбесі жанған. Сондай-ақ, жалын 180 шаршы метр аумақта 4 тонна шөпті шарпып өткен", - делінген хабарламада.

Өрт салдарынан базаның төбесі құлап, 9 бас жылқы оттың астында қалған. Оқыс жағдайдың орын алуына тұрғындардың отты абайсыз қолдануы себеп болған.

"Қазіргі таңда келтірілген шығын көлемі анықталып жатыр. Оқиға орнына № 3 өрт сөндіру бөлімінен үш адам мен бір автоцистерна, өрт сөндіру зертханасы шықты. Сонымен қатар, жеке құрамнан 16 адам мен үш техника, ерікті өрт сөндіру құрылымдарынан 10 адам мен МТЗ-80 жұмылдырылды", - делінген хабарламада. 

Өрт сағат 19.50-де ауыздықталып, 20.15-те толығымен сөндірілді.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай