+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Павлодар облысында аяз салдарынан ескі көліктердің тұтануы жиілеп кетті, - деп хабарлайды "Павлодар жаңалықтар".
Павлодар облысында аяз салдарынан ескі көліктердің тұтануы жиілеп кетті, - деп хабарлайды "Павлодар жаңалықтар".
Облыстық ТЖД баспасөз қызметінің мәлімдетінше, 20 қарашада сағат 15:20-да Ақсу қаласының Әлия Молдағұлова көшесінде 1999 жылы шығарылған Mercedes-Benz автокөлігінің қозғалтқыш бөлігінде резеңке-техникалық бұйымдар, салон панельдері, жалпы ауданы үш шаршы метр екі алдыңғы доңғалақ өртенді.
Сағат 07:54-те Железин ауданының аудан орталығында 1994 жылғы Audi A6 автокөлігінің қозғалтқыш бөлігінде 1,5 шаршы метр аумақта техникалық бұйымдар жанған.
Сағат 17:51-де Павлодар қаласында Максим Горький көшесі, 41/1 мекенжайы бойынша ашық аумақта 1997 жылы шыққан минивэн типті шанағы бар Volkswagen автокөлігі алты шаршы метр алаңда жанып кетті. Автомобиль газбен жүреді.
Сағат 18:01-де Екібастұз қаласы Әуезов көшесі, 38 мекенжайында орналасқан 1997 жылы шығарылған Volkswagen Passat автокөлігінде қозғалтқыш бөлігінде 1,5 шаршы метр аумақта мотор-техникалық бөлігі жанған.
Көліктерден өрттің шығуына электр сымдарының қысқа тұйықталуы себеп болған. Сондықтан жүргізушілерге сақ болуға кеңес береміз. Келтірілген шығын көлемі анықталып жатыр - дейді департаментөкілдері.
