+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Павлодар облысында жеке тұрғын үйлердің бірінде иттер бір түнде ондаған қойға шапқан, - деп хабарлайды Tengrinews.kz тілшісі.
Павлодар облысында жеке тұрғын үйлердің бірінде иттер бір түнде ондаған қойға шапқан, - деп хабарлайды Tengrinews.kz тілшісі.
Желіде жеке тұрғын үйлердің біріндегі видео павлодарлық Instagram-топтардың бірінде пайда болды. Оқиға Павлодар облысындағы Көктас ауылында болған.
Посмотреть эту публикацию в Instagram
Фермер Сәрсенбай Құрымбаев иттердің даусынан оянып кеткенін айтады.
"Оқиға таңертең болды. Ағам сыртқа шығып, бірнеше ит жүргенін көрді. Ол иттерді қуып жіберіп бірден маған хабарласты. Қашаның ішінде 13 қой болған, бәрін шауып кеткен. Тек бір қой қалған. Бірақ оның да сау жері қалмаған. Сондықтан бауыздауға тура келді", - дейді фермер Tengrinews.kz тілшісіне.
Ер адам бірден полицияға хабарласып, ветеринарлық қызметті шақырған.
"Оқиға орнына Павлодар облыстық ветеринарлық станциясының Ақсу бөлімшесінің басшысы Мират Тиқанов және Алғабас ауылдық округінің учаскелік полиция инспекторы Ерболат Қосшығұлов келді. Фермердің сөзінше, жақын жерде орналасқан коттедж иелерінің қараусыз қалған иттері қойларды шауып кеткен", - деді Павлодар облысындағы Ветеринария басқармасының өкілдері.
Ведомство мәліметінше, оқиға бойынша барлық материал жергілікті полиция қызметіне жіберілген.
Одан бөлек, шаруа қожалығының иесі шабуыл жасаған жануарлардың арасында қаңғыбас иттер де болғанын айтады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
