+7 (777) 001 44 99
ПОДЕЛИТЬСЯ
Павлодар облысының Мәдениет, мұрағат және құжаттама басақармасының басышысы Ардақ Райымбеков пен оның отбасы жол-көлік оқиғасынан қаза тапты, - деп хабарлайды Tengrinews.kz тілшісі.
Павлодар облысының Мәдениет, мұрағат және құжаттама басақармасының басышысы Ардақ Райымбеков пен оның отбасы жол-көлік оқиғасынан қаза тапты, - деп хабарлайды Tengrinews.kz тілшісі.
Жол апаты Павлодар - Семей тасжолында болды, онда автокөлік пен жүк көлігі соқтығысқан. Зардап шеккен екі адам ауруханада жатыр, төрт адам қаза тапты.
Мәліметтерге сәйкес, автокөлік салонында мәдениет, мұрағат және құжаттама басқармасының басшысы 35 жастағы Ардақ Райымбеков, оның жары және үш жасар ұлы болған. Сондай-ақ жол апатынан 53 жастағы әйел қайтыс болған, оның күйеуі мен қызы ауруханада жатыр.
Дәрігерлердің мәліметінше, зардап шеккендердің денсаулығына еш қауіп жоқ екен.
"Жол апаты болған жерден екі адам жеткізілді. Олардың бірі 1961 жылғы ер адам және 1991 жылғы қыз бала. Қазіргі уақытта олар Павлодар облысындағы Аққулы аудандық ауруханасында жатыр", - деді Павлодар облыстық денсаулық сақтау басқармасының өкілдері.
Полиция департаментінің мәліметінше, жүк көлігінің жүргізушісі уақытша ұстау изоляторына қамалған.
"Осы дерекке қатысты ҚР Қылмыстық кодексінің 345-бабы 4-бөлігі ("Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда екi немесе одан да көп адамның өлiмiне әкеп соққан іс-әрекет") бойынша сотқа дейінгі тергеу шаралары жүріп жатыр. Сараптамалар тағайындалды", - деді Павлодар облыстық ІІД баспасөз қызметінің өкілдері.
