+7 (777) 001 44 99
Қазақша
Русский
English
Жол апаты Ленинский - Ертіс тас жолында болған, - деп хабарлайды "Павлодар жаңалықтары".
Облыстық полиция департаменті баспасөз қызметінің мәлімдеуінше, 32 жастағы "ВАЗ-21014" автокөлігінің жүргізушісі жолдың жүру бөлігінде иесіз жүрген жылқыларды қағып кеткен. ЖКО салдарынан жүргізуші - отағасы алған жарақатынан оқиға орнында көз жұмды.
"Көлікте болған ер адамның 1990 жылғы жұбайы мен 2014 жылғы, 2015 жылғы және 2017 жылғы балалар түрлі жарақаттармен ауруханаға жатқызылды. Автокөлік айып тұрағына қойылды. Аталмыш фактіге қатысты тексеру жүргізіледі", - дейді департаментте.
Облыстық ТЖД баспасөз баспасөз қызметінің мәліметінше, құтқарушылар 13 қараша күні сағат 18.40-та Ақтоғай ауданында Жоламан ауылына жақын маңда құтқару шараларын жүргізген. Жолдан шығып кеткен көлік шанағының үстіңгі жағын гидравликалық құралмен кесіп алып, 1987 жылғы ер адамның денесін алып шыққан.
Айта кетерлігі, ірі қара мал мен жылқылар жол апатына жиі себепкер болып отыр. Биылғы жылдың басынан бері Павлодар облысының аумағында тас жолдың бойында иесіз жүрген 42 жануардың қатысуымен болған жол-көлік оқиғасы салдарынан төрт адам қаза тапқан.
