Павлодарда 4 жасар бала ауладағы шұңқырға құлап, қаза болды

Павлодарда төрт жасар бала септикке құлап, қаза болды, - деп хабарлайды Tengrinews.kz тілшісі.

Ішкі істер министрлігінің ресми Telegram-арнасы қайғылы оқиға 31 мамырда Мойылды ауылында болғанын хабарлады.

"Ата-анасының қарауынсыз қалған бала көрші үйлердің бірінің ауласында ағашпен жабылған септикке құлап кеткен. Дерек бойынша ҚР ҚК-ның 140-бабы соталды тергеу амалдары басталды. Сараптама тағайындалды", - делінген хабарламада.

Еске салайық, мамырдың басында Ақтөбе облысында екі жасар бала көшедегі дәретханаға құлап, қаза тапқан еді.

Сілтемесіз жаңалық оқисыз ба? Онда Telegram желісінде парақшамызға тіркеліңіз!