+7 (777) 001 44 99
ПОДЕЛИТЬСЯ
Павлодарда жеңіл көлік бағанаға соғылып, бүктеліп қалған, - деп хабарлайды Tengrinews.kz тілшісі.
Павлодарда жеңіл көлік бағанаға соғылып, бүктеліп қалған, - деп хабарлайды Tengrinews.kz тілшісі.
ЖКО 6 қазан таңғысын Кутузов атындағы көпір үстінде болған. Audi көлігі көшеге жарық түсіретін темірбетон бағанаға соғылған. Соққы күшінен көлік екі бүктеліп қалған. Оқиға салдарынан көлік жүргізушісі зардап шекті.
Павлодар облысы ІІД-нің баспасөз қызметінің мәліметі бойынша, көлікті 37 жастағы қала тұрғыны басқарған. Ол оқиға орнынан ауруханаға жеткізілді. "1980 жылы туған зардап шегуші жансақтау бөлімінде жатыр. Жағдайы тұрақты ауыр деп бағаланып отыр. Бірнеше қабырғасы сынған. Бүгін тракопластика бойынша операция өткізу жоспарланған", - дейді аймақтық денсаулық сақтау басқармасының баспасөз қызметінің өкілдері.
Оқиғаның себебін полиция анықтап жатыр. "Бұл дерек бойынша тексеру жүргізілуде Оқиғаның себебі мен жай-жапсары анықталады", - деді облыстық полиция департаментінің өкілдері.
