+7 (777) 001 44 99
Қазақша
Русский
English
Павлодарда балабақшадағы аула сыпырушы кішкентай қызды азғындады деген күдікпен қамалды, - деп хабарлайды Tengrinews.kz тілшісі.
Соттың мәліметінше, 40 жастағы күдікті Павлодардағы жекеменшік балабақшалардың бірінде жұмыс істеген.
"Сот Павлодардың 1977 жылғы тұрғынын қамауға алу туралы шешім қабылдады. Ер адам екі айға қамалды", - деп хабарлады Павлодардың қылмыстық істер жөніндегі №2 соты.
Сот отырысы жабық тәртіпте өтті. Күдікті 5 жылдан 10 жылға дейін бостандығынан айырылуы мүмкін. Айта кетейік, полицияға бұл туралы балабақша тәрбиеленушілерінің бірінің ата-анасы хабарлаған.
"Ата-аналардың полиция органдарына қалдырған өтініші бойынша Павлодардағы балабақшалардың бірінің аула сыпырушысының азғыру дерегі ретінде сотқа дейінгі бірыңғай тергеу реестріне тіркелді. Осы дерек бойынша сот-медициналық сараптама тағайындалды", - деді Павлодар облыстық прокуратурасының өкілдері.
Ер адамның қызға балабақша аумағында тиіскені белгілі болды.
Ал балабақша өкілдері бұл оқиғаның ойдан шығарылғанын және ер адамның жақсы қызмет еткенін айтады.
