16 қаңтар 2022 | 16:36

Павлодарда екі қабатты дәмханада өрт шықты

Дина Шарипханова Корреспондент

Павлодарда екі қабатты дәмхана ғимаратында өрт шықты. Өрт салдарынан нысанның шатыры қирады. Өрттің шығуына электр сымдарының қысқа тұйықталуы себеп болған, - деп хабарлайды Tengrinews.kz тілшісі.

Павлодарда екі қабатты дәмхана ғимаратында өрт шықты. Өрт салдарынан нысанның шатыры қирады. Өрттің шығуына электр сымдарының қысқа тұйықталуы себеп болған, - деп хабарлайды Tengrinews.kz тілшісі.

Павлодар облысы ТЖД баспасөз қызметі мәліметінше, өрт туралы хабарлама 16 қаңтарда сағат 9.03-те келіп түскен.

"Павлодарда Северная өндірістік аймағы 600 мекенжайындағы екі қабатты кафе ғимаратында ағаш конструкциялар толық жанып кетті. Өртенген аумақ 300 шаршы метр", - деді ведомство өкілдері.

Посмотреть эту публикацию в Instagram

Публикация от Типичный Павлодар (@tipavlo.dar)

Сол кафеде қонақ үй кешені орналасқан. Ресми мәлімет бойынша, өртсөндірушілер келген кезде бөлмеде қонақтар болмаған. Өрт сөндіру жасақтары келгенге дейін жанып жатқан ғимараттан 5 адам эвакуацияланды. Өртті сөндіру үшін оқиға орнында штаб құрылды, өртті сөндіруге облыстық ТЖД мен Апаттар медицинасы орталығының 35 қызметкері мен 10 техникасы жұмылдырылған.

"Өрт сағат 10.53-те сөндірілді. Өрттің шығу себебі электр сымдарының қысқа тұйықталуы. Нысан иесіне қатысты ҚР ӘҚБтК-ның 410-бабы 1-бөлігі бойынша әкімшілік хаттама жасалды", - деді ведомствоның баспасөз қызметі өкілдері.

Өрт қауіпсіздігі талаптарын бұзғаны немесе орындамағаны үшін мекеме иесіне ескерту немесе 15 айлық есептік көрсеткіш мөлшерінде айыппұл салынуы мүмкін.

Өрттен келтірілген залал анықталып жатыр.