+7 (777) 001 44 99
Қазақша
Русский
English
Павлодарда екі жасар бала үшінші қабаттан құлап, аман қалды, - деп хабарлайды Tengrinews.kz тілшісі.
Оқиға 19 ақпанда күннің екінші жартысында қалалық бес қабатты үйлердің бірінде болды. Бала ғимаратқа қосалқы салынған шатырға құлап, тірі қалды.
Куәгерлер түсірген видеода, бала әлде-қашан шатырдың үстінде тұр, аяғы жалаң, жеңіл киініп алған. Бір ер адам оны екінші қабаттан қолына алып, пәтерге кіргізеді. Осы уақытта дала температурасы нөлді көрсетіп тұрған.
Сондай-ақ, кадрлардан ашық тұрған терезені байқауға болады. Бала сол жерден құлаған.
Оқиға болған жерге полиция қызметкерлері мен жедел жәрдем бригадасы шақырылды.
Дәрігерлердің айтуынша, бала жабық бас сүйек-ми жарақатын алған, миы шайқалып, беті жараланған.
"Ол Павлодар облыстық балалар ауруханасына жатқызылды. Жағдайы қанағаттанарлық. Барлық қажетті емді алып жатыр", - деп хабарлады аймақтық денсаулық сақтау басқармасындағылар.
Полиция қызметкерлері болған оқиғаның мән-жайын анықтап жатыр. Қолда бар ақпарат бойынша, дерек Павлодар қаласының оңтүстік полиция бөлімінде тіркелген. Қазіргі уақытта тексеріс жүріп жатыр. Полицейлердің ақпараты бойынша, зардап шеккен баланың ата-аналарымен түсіндіру әңгіме жүргізілді. Бала құлаған кезде үйде әкесі мен анасы болмаған. Былтыр желтоқсан айында бүлдіршін екі жасқа толған.
