+7 (777) 001 44 99
Қазақша
Русский
English
01 ақпан 2023 | 09:35
Павлодарда жүк тиегіш көлік жүргізушісі өртті қармен сөндірді
Павлодарда жүк тиегіш көлік жүргізушісі өртеніп жатқан көлікті қармен сөндірді, - деп хабарлайды Tengrinews.kz тілшісі Pavlodarnews.kz сайтына сілтеме жасап.
ПОДЕЛИТЬСЯ
Павлодарда жүк тиегіш көлік жүргізушісі өртеніп жатқан көлікті қармен сөндірді, - деп хабарлайды Tengrinews.kz тілшісі Pavlodarnews.kz сайтына сілтеме жасап.
Басылым мәліметінше, көлік 31 қаңтарда түс ауа тұрақта тұрған жерінде өртенген. Бұған алаңдаған куәгерлер бірден өртті сөндіруге кіріскен. Олардың әрекеті видеоға түсіріліп, әлеуметтік желіде тарады. Кадрларға қарағанда, арнайы техника жүргізушісі бірінші реттен-ақ жалынның басқа көліктерге тарауына жол бермеген.
Айта кететін жайт, күрек ұстаған тағы үш адам өртті сөндіруге жәрдемдескен. Өрт сөнгеннен кейін бірнеше секундтта оқиға орнына өрт сөндіру қызметінің арнайы техникасы келеді.
Павлодар облысының Төтенше жағдайлар департаменті мәліметінше, "101" пультіне өрт шыққаны туралы қоңырау түскі сағат 11:35 шамасында түскен.
"Көлік Торайғыров көшесіндегі тұрақта өртенді. Өрт орнында "Горкомхоз" жеке серіктестігінің тракторшысы жұмыс істеп жүрген. Ол жүк тиегішке қар жинап алып, жалынды сөндірген және өрттің көлік ішіне таралуына жол бермеді", - деді облыстық ТЖД өкілдері.
Кейін ведомство өртті сөндіруге көмектескен жүк тиегіш жүргізушіге алғысын білдірген. Арнайы техниканы 53 жастағы Едіге Жұмабеков жүргізгені айтылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
