1. Басты
  2. Біл
  3. Оқиға
  4. Тосын жай

Павлодарда көлік апатынан сегіз адам зардап шекті15 сәуір 2014, 16:05

©Vesti.kz ©Vesti.kz

Павлодар облысында шағын автобус тепловозға соғылып, соның салдарынан бір адам қаза тапты, тағы сегіз адам жарақат алды, - деп хабарлайды Tengrinews.kz тілшісі облыстық төтенше жағдайлар департаментінің баспасөз қызметіне сілтеме жасап.

Жедел ақпаратқа қарағанда, төтенше оқиға бүгін Ақсу - Дегелең теміржолының 26-шақырымында болды. "Ақсу-1 - Ақсу-2 теміржол өткелінде Ford Transit шағын автобусы тепловозбен соқтықты. Оқиға кезінде шағын автобуста тоғыз адам болған, олардың сегізі түрлі жарақат алып, ауруханаға жеткізілді, бір адам сол жерде қайтыс болды", - деп хабарлайды баспасөз қызметі.

Алдын ала мәлімет бойынша, жол-көлік оқиғасына автобус жүргізушісі кінәлі. Ол тепловозды өткізіп жібермеген. "Оқиға орнында жедел тергеу тобы жұмыс істеп жатыр. Апаттың нақты себебі анықталатын болады", - дейді төтенше жағдайлар қызметкерлері. Дәрігерлердің мәліметінше, аман қалғандардың бесеуінің жағдайы өте ауыр.