+7 (777) 001 44 99
Қазақша
Русский
English
Әлеуметтік желілерде белгісіз ер адамның Павлодардағы көпқабатты үйдің кіреберісінде мектеп оқушысына шабуыл жасаған сәті түсірілген видео тарады. Балаға дер кезінде келген курьер көмектескен, - деп хабарлайды Tengrinews.kz тілшісі.
Әлеуметтік желілерде тараған ақпаратқа сәйкес, оқиға 19 наурызда болған. 2016 жылы туған мектеп оқушысы үйіне қайтып келе жатқанда, белгісіз ер адам оны аңдып, соңынан ерген. Бұл сәт бейнебақылау камераларына түсіп қалған. Ер адам бірге кіреберіске кіріп, баланы ұстап алған және ол өзінің баласы екенін айтқан.
Дәл осы сәтте кіреберіске курьер кіріп, жағдайды түсініп, баланы құтқаруға ұмтылған. Қысқа арпалыстан кейін ол баланы құтқарып алған, ал шабуылдаушы қашып кеткен.
Павлодар облыстық Полиция департаменті мәліметінше, бейнебақылау камералары арқылы күдіктінің жеке басы анықталған.
"Тергеу барысында жиналған материалдар сотта қаралып, күдікті жауапқа тартылды. Сот отырысынан кейін ер адам ауруына байланысты медициналық мекемеге орналастырылды", – деп мәлімдеді Павлодар полициясының баспасөз қызметі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
