+7 (777) 001 44 99
ПОДЕЛИТЬСЯ
Павлодарда ер адам мен оның мысығын өрттен құтқарылды, - деп хабарлайды Tengrinews.kz тілшісі Павлодар облысының Төтенше жағдайлар департаментіне сілтеме жасап.
Павлодарда ер адам мен оның мысығын өрттен құтқарылды, - деп хабарлайды Tengrinews.kz тілшісі Павлодар облысының Төтенше жағдайлар департаментіне сілтеме жасап.
Қала орталығындағы 5 қабатты үйден өрт шыққан. Төртінші қабатта орналасқан бір бөлмелі пәтерде жиһаз, тұрмыстық техника жанып кеткен.
©Павлодар облысы ТЖД
"Тексеріс барысында 1-МӨСБ аға инженері Ерлан Бөлежанов пен аға шебер Жасқайрат Доламбаев 1972 жылы туған пәтер иесін құтқарып, оны медицина қызметкерлеріне тапсырды", - деді ведомствоның баспасөз қызметі өкілі.
©Павлодар облысы ТЖД
Қазір зардап шеккен адам жансақтау бөлімінде жатыр. Ер адам уланған және сол жақ балтыры күйіп қалған.
©Павлодар облысы ТЖД
Сондай-ақ, өрт сөндірушілер жанып жатқан пәтерден үй жануарын тапқан. Мысық шала-жансар күйде болған. Тыныс алу аппаратының көмегімен қызметкерлер жануарды құтқарып қалған.
Өрттің себебі темекі шеккен кезде отты абайсыз қолданғаннан болған. Өрт сөндіру бөлімшелері келгенге дейін үйден 9 адам өз бетінше шыққан.
"Оқиғаға ТЖД жеке құрамынан 25 адам және 7 техника, медицина мен полиция орталығының қызметкерлері жұмылдырылды. Шығын мөлшері анықталды. ҚР ӘҚБтК-нің 410-бабы 3-бөлігі бойынша әкімшілік хаттама толтырылды", - деп атап өтті ведомствоның баспасөз қызметі өкілі.
Өрт қауіпсіздігі талаптарын бұзғаны үшін құқықбұзушыға он айлық есептік көрсеткіш мөлшерінде айыппұл салынады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
