+7 (777) 001 44 99
Қазақша
Русский
English
Қазақша
Русский
English
Павлодарда ұйықтап жатқан ер адам жүк пойызының астында қалды, - деп хабарлайды Tengrinews.kz тілшісі "Павлодар" стансасының желілік полиция бөліміне сілтеме жасап.
Полицияға баяндалған әңгімеге қарағанда, пойыз темір жолдың бойында қаннен қаперсіз ұйықтап жатқан ер адамның үстінен жүріп өткен. "Павлодар-Екібастұз" бағытындағы жүк пойызы адамды басып кетті деген хабар түсті. Оқиға орнында әлгі адамның зардап шекпегендігі анықталды", - деп хабарлады полицияның желілік бөлімінен.
Машинистің сөздеріне жүгінсек, ол рельс бойындағы бейтаныс нәрсені көріп қалып, пойызды тоқтатпақ болған. Бірақ үлгермеген. Зақымданбаған адамды ол вагондардың бірінің астынан суырып алған.
Тірі қалған адам белгілі тұрғылықты орны жоқ, 34 жастағы павлодарлық болып шыққан. Үйі жоқ адамның осы оқиға болған мезетте есін білмейтін, масаң күйде екендігі анықталған. Ол екі рельстің арасына дем алу үшін жатып, ұйықтап кеткен. Қатты ұйықтағандығы соншалық, жүк пойызы дөңгелектерінің астында қалғанын да сезбеген.
Бұл оқиғаның кесірінен екі жүк пойызы біраз бөгелген.
