+7 (777) 001 44 99
Қазақша
Русский
English
Петропавлда жанармай құю бекетіне жасалған шабуылдың видеосы тарады, - деп хабарлайды Polisia.kz.
Дереккөз мәліметінше, күдікті ұсталды.
11 қаңтарда полицияға Әуезов көшесіндегі жанармай бекеттерінің бірінде сағат 1.30 шамасында белгісіз қылмыскер терезені сындырып, кассадан 40 мың теңге ұрлап кеткені туралы хабарлама келіп түсті. Бейнебақылау камераларына орта жастағы ер адамның шыны ыдысты сындырып, ақшаны алып, белгісіз бағытта жоғалып кеткені түсіп қалған.
Күдікті Әуезов көшесіндегі жалдамалы пәтерлердің бірінде ұсталды. Ол бұрын бірнеше рет сотты болған облыс орталығының 36 жастағы тұрғыны болып шықты. Жедел уәкілдер келген кезде ол мас болған. Ұрланған ақшаның бір бөлігі алынған.
"Бұл дерек Қылмыстық кодекстің 191-бабының 3-бөлігі "тонау" бойынша сотқа дейінгі тергеудің бірыңғай тізіліміне енгізілді. Күдіктіге қатысты "қамауға алу" бұлтартпау шарасы таңдалды. Ол тергеу изоляторына қамалды. Тергеу жүріп жатыр", - делінген хабарламада.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
