+7 (777) 001 44 99
Қазақша
Русский
English
Алматы полицейлері өртеніп жатқан мансардан ер адамды құтқарды, - деп хабарлайды Tengrinews.kz тілшісі қалалық полиция департаментіне сілтеме жасап.
Өрт 15 қарашада Алатау ықшам ауданы Ұлан көшесінде тұтанды. Полиция департаменті өкілдерінің хабарлауынша, үй тұрғыны өртті өздігімен сөндіруге тырысқан. Осыған байланысты ол от тұзағында қалған. Төтенше жағдайлар департаментіне өрт туралы хабар түскен сәттен бірнеше минут өткен соң оқиға болған жерге полиция қызметкерлері келіп, ер адамды құтқарып қалды. Олар Бурана 158 экипажы құрамындағы Жандос Дүйсенбеков, Аслан Баймұханов және Айдос Қасымбеков.
Алматы қалалық Төтенше жағдайлар департаменті өкілдерінің хабарлауынша, сағат 9.47-де алғашқы өрт сөндіру бөлімшесі келді. Өртеніп жатқан үйден жиырма адам шығарылды. Ол сағат 10.54-те ауыздықталып, 11.34-те сөндірілді. Өрт 400 шаршы метр аумақты шарпып үлгерген.
Өртті сөндіру үшін Алматы өрт сөндіру қызметінің 71 мүшесі мен 21 негізгі және арнайы техника тартылды. Құрбандар мен зардап шеккендер жоқ.
