+7 (777) 001 44 99
Қазақша
Русский
English
Шымкент дәрігерлері 1 қыркүйекте пышақ жарақатын алған полицейдің жағдайы туралы айтып берді, - деп хабарлайды Tengrinews.kz тілшісі Otyrar.kz сайтына слтеме жасап.
Дәрігерлер мәліметінше, 35 жастағы ер адам түскен кезде бел аймағында пышақ жарақаты болған және қан кеткен. Жәбірленушіге операция жасалды.
Қазір дәрігерлер науқастың жалпы жағдайын тұрақты деп бағалап отыр. Кейінірек ол хирургиялық бөлімге ауыстырылады.
Еске салайық, 1 қыркүйекте Шымкентте өтіп бара жатқан адам полиция қызметкеріне шабуыл жасап, арқасынан пышақ сұғып алған. Оқиға орнынан түсірілген бейнежазба әлеуметтік желілерде жарияланды.
Шымкент полиция департаментінің баспасөз қызметі мәліметінше, шабуылдаушы ұсталған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
