+7 (777) 001 44 99
Қазақша
Русский
English
Қарағандыда 15 адам дөнермен уланған соң жүргізілген жоспардан тыс тексерістің қорытындысы белгілі болды, - деп хабарлайды Tengrinews.kz тілшісі.
"Зертханалық тексерулердің нәтижесі бойынша бес адамда ішек инфекциясы диагнозы расталмады. Екі адамда сальмонеллез, сегіз адамда жіті ішек инфекциясы анықталды. Дөнер сататын орында жүргізілген жоспардан тыс тексеріс барысында мекеменің ыстық сумен қамтылмағаны, дезинфекциялық құралдардың болмағаны, шикізат пен дайын өнімдерді сақтау ережелерінің сақталмағаны анықталды", - деп хабарлады облыстық Қоғамдық денсаулық сақтау департаментіндегілер.
Бұдан бөлек, мамандар дөнердегі тауарларда сапаны растайтын құжаттардың болмағаны белгілі болды. Ал дәмхананың қызметкерінде медициналық кітапша болмаған. Сондықтан ол жұмысынан босатылды.
Осы жағдайдан кейін дөнер сататын орын уақытша жабылды. Ал 1 қарашада Абай ауданының Қоғамдық денсаулық сақтау басқармасындағылар Қарағанды облыстық мамандандырылған ауданаралық экономикалық сотқа осы мекеменің қызметін тоқтату туралы талап арыз жолдады.
