+7 (777) 001 44 99
Қазақша
Русский
English
Қарағанды облысында 2015 жылы наурызда болған жол-көлік оқиғасының жай-жапсары анықталды, - деп хабарлайды Tengrinews.kz тілшісі. Бұған дейін Сәтпаев пен Жезқазған қалалары аралығындағы тас жолда болған жол апатынан бір адамның қаза тауып, бесеуінің ауруханаға жеткізілгені хабарланған болатын. Алайда тағы екі адамның қайтыс болғаны қазір белгілі болып отыр.
Қарағанды облысындағы жол-көлік оқиғасынан зардап шеккендердің бірі Жан Сыздықовтың екі қолы сынған. Оның айтуынша, жол апатына кінәлі, жеке тасымалдаумен айналысатын қыз жауапкершіліктен жалтаруға тырысып отыр. "Жол апаты 27 наурызда болды. Біз ұстаған такси ВАЗ-21902 Гранта көлігінің жүргізушісі қыз еді. Ол қарсы бағытта келе жатқан Volkswagen Golf 3 көлігімен соқтығысты. Ол көлікте Нұржан Керменбаевтың үйлену тойынан келе жатқан асаба отырған. Volkswagen жүргізушісі оқиға орнында қаза тапты, қалғандары ауруханаға жеткізілді. Кейін ауруханада тағы екі адам көз жұмды, менің қолдарым сынған", - деді Сыздықов.
Еске сала кетейік, Қарағанды облысында болған жол апатына кінәлі қыздың үстінен қылмыстық істің қозғалғаны хабарланған болатын. Сонымен қатар, қыздың бұған дейін жол қозғалысы ережесін бұзғаны үшін әкімшілік жауапкершілікке тартылғаны белгілі болды.
