+7 (777) 001 44 99
Қазақша
Русский
English
Қарағанды облысы Сәтбаев қаласында кен орындарының бірінің қызметкерлері мен "Қазақмыс" корпорациясы басшылығы арасындағы еңбек дауы шықты, - деп хабарлайды Tengrinews.kz тілшісі Қарағанды облысы әкімінің баспасөз қызметіне сілтеме жасап.
"2017 жылдың 30 қарашасында Оңтүстік-Жезқазған кен орны мен "Қазақмыс" ЖШС басшылығы арасында еңбек дауы шықты. Облыс әкімдігі басшылығының өкілдері мен "Қазақмыс" компаниясының басшылығы оқиға орнында. Келіссөздер процесі жүріп жатыр. Жағдай бақылауда. Келіссөздер аяқталған соң ресми мәлімдеме жасалады", - деп хабарлады Қарағанды облысы әкімінің баспасөз қызметіндегілер.
Сондай-ақ, редакцияға Сәтбаевтағы кеншілерден түрлі видеолар келіп жатыр. Куәгерлердің айтуынша, кеншілер "Қазақмыс" компаниясы басшылығынан жұмыс істеуге жағдай жасауын талап етіп отыр.
