+7 (777) 001 44 99
Қазақша
Русский
English
Қостанай облысының Затобол елді мекенінде бір ай бұрын жоғалған қыз бала Астанадан табылды, - деп хабарлайды Alau.
15 жастағы Гүлмира Салықова 24 мамыр күні жоғалып кеткен. Ол ата-анасымен сөзге келгеннен кейін үйінен кетіп қалған. Қыздың айтуынша, ол жол-жөнекей көліктерге отырып, Астанаға жетеді. Жолда танысқан бір әйел қызды үйіне жатқызған. Бұдан кейін Гүлмира жұмысқа орналасып, әйелдің бір бөлмесін жалға алады.
Қыз табылғаннан кейін кәмелетке толмағандарды бейімдеу орталығында болды. Орталық психологы Ольга Кабижанның айтуынша, қыздың жайы күрделі. Ол тұйық, ешкіммен сөйлескісі келмейді. Бүгін Гүлмира Қостанайдағы ата-анасына жеткізілді.
Еске салайық, қызды іздеуге құқық қорғау қызметкерлерімен бірге еріктілер де атсалысқан еді. Олар парақшалар таратып, аумақты шолып шықты. Гүлмира үйінен бірінші рет қашып кетіп отырған жоқ, сол себепті ол ішкі істер органдарының есебіне алынды.
