Жоғалып кеткен жылқылардың иесі жылқылардың қай жақта екенін білетін адамға бай сыйақы беруге дайын екенін айтып отыр. Сергей Кащенко жылқыларға қатысты мәлімет білетін адамға миллион теңге бермекші, - деп жазады "Алау".
"Жылқылардың қайда екенін айтатын адамға сыйақы беріледі. Мен жылқыларымның қайда жоғалғанын көрсететін адамға миллион теңге төлеуге дайынмын", - деп келтіреді басылым тілшілері Сергей Кащенконың сөзін.
Айта кетейік, Ұзынкөл ауданында 90 жылқы жоғалып кеткен болатын. "Полицияға арыз жаздық. Іздемеген жерім қалмады. Жылқыларым еш жерде жоқ", - деп айтқан еді жылқылардың иесі. Сергей Кащенконың айтуынша, жалпы шығын 20 миллион теңгеден асады.
