+7 (777) 001 44 99
Қазақша
Русский
English
Жергілікті тұрғындар Қостанайдағы теміржол ауруханасы маңында болған атыстар жайлы өңірлік БАҚ-тарға хабар берген болатын. Ал кейінірек сауна күзетшілерінің бұзақыларды тыныштандыру мақсатында ескерту түрінде оқ атқаны белгілі болды, - деп хабарлайды Tengrinews.kz тілшісі.
"Костанайские новости" басылымының мәліметінше, саунада екі ер адам арасында жанжал шыққан.
Қостанай облыстық ІІД баспасөз қызметінің мәліметінше, оқиға 24 шілдеде шамамен сағат 9.30-да Қостанайдағы Майлин көшесіндегі сауналардың бірінде болған.
"Төрт ер адамның тарапынан бұзақылық әрекеттерді алдын алу үшін оқиға орнына келген күзет агенттігінің қызметкерлері ескерту түрінде оқ атты. Қазіргі уақытта күдіктілер ұсталды. Полиция қызметкерлері ҚР Қылмыстық кодексінің 293-бабының 3-бөлігі бойынша сотқа дейінгі тергеуді бастады", - деп хабарлады ведомство өкілдері.
Тергеу шаралары жүргізіліп жатыр.
