+7 (777) 001 44 99
Қазақша
Русский
English
Қызылорада колониясының 169/5 қатаң тәртібінде жазасын өтеп жатқан төрт тұтқын өзіне-өзі зақым келтіру әрекеттерін жасап, өздерінің құқықтарын бұзғандарға наразылық білдіріп, ауыздарын тігіп тастаған, - деп хабарлайды 24.kz.
Телеарнаның хабарлауынша, тұтқындар тұруға мүмкін емес жағдайы туралы, түрме қызметкерлерінің тарапынан дөрекілік жайлы айтып шағымданды. Одан басқа, сотталушыларға туыстарымен телефон арқылы байланысқа шығу мүмкіндігін шектеп қойған. Сотташулырдың жақындары Қоғамдық бақылау комиссиясына осы мәселеге қатысты шағымданған.
Қазір бөлімшеде тергеу іс-шаралары жүргізіліп жатыр, қылмыстық істер қайта қозғалған. Қызылорда облысының Қылмыстық-атқару жүйесі департаментінің басшылығының айтуынша, түйіткіл шешілді.
"Төрт сотталушы қатты ыстықтан камераның есігін ашуды талап еткен. Алайда заң бойынша есік ашуға рұқсат берілмеген. Камераның есігі әрдайым жабық болуы тиіс. Колонияға облыстық бақылау комиссиясы мен прокуратураның өкілдері келген. Түсіндірме жұмыстардан кейін сотталушылар өз бетінше тігістерін сөкті. Қазір тұтқындардың жағдайы қанағаттанарлық", - деп хабарлады Қылмыстық-атқару жүйесі департаментінің басшысы Ғанибек Отарбаев.
