+7 (777) 001 44 99
Қазақша
Русский
English
Қызылордада жемқорлыққа қарсы іс-қимыл департаментінің қызметкері қанталап жатқан адамды құтқарып, қылмыскерді ұстауға көмектесті, - деп хабарлайды Tengrinews.kz тілшісі облыстық Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметіне сілтеме жасап.
2015 жылдың 7 маусымы күні кешкі уақытта офицер Роллан Қыдыралиев "Әл-Асад" сауда үйінің маңынан өтіп бара жатып жол бойында жатқан ер адамды көрген. Жерде жатқан адамға көмектесу үшін тоқтаған ол ер адамға бірнеше жерден пышақ сұғылғанын байқаған. Офицер жәбірленушіге алғашқы медициналық көмек көрсетіп, қан тоқтатқан. Осыдан кейін ол дәрігерлер мен полицейлерді шақырған.
Офицер Роллан Қыдыралиевтің арқасында жәбірленуші аман қалды, қалалық аурухананың жан сақтау бөліміне жеткізілген оған "гемморагиялық шок, сол жақ жеңіл және кеуде артерияларының зақымдануына әкелген сол жақ кеуде тұсына салынған жарақат" диагнозы қойылды. Жедел іздестіру шараларына кіріскен полицейлер қылмыскерді ұстады.
Қызылорда облысы ІІБ басшысы жемқорлыққа қарсы іс-қимыл ведомствосының басшылығына "батыл әрі табанды әрекеті үшін" аға офицер Роллан Қыдыралиевті марапаттау туралы өтініш хатын жолдады. Қыдыралиев Департаменттің ең жас қызметкерлерінің бірі екен.
