Қазақстандық шекарашылар елімізден Ресейге тасымалданып бара жатқан 26 тонна дизель отынының жолын кесті, - деп хабарлайды Tengrinews.kz тілшісі ҚР ҰҚК Шекара қызметіне сілтеме жасап.
Қостанай шекара жасағының "Қайрақ авто" өткізу пунктінің наряды 26 тонна дизель отынын тиеп алған Ресей Федерациясының 40 жастағы азаматын ұстады. Ол Iveco автокөлігімен Ресейге бағыт алған. Бұл дерек жөнінде Қарабалық аудандық ішкі істер бөліміне хабар берілді. Тексеру шаралары жүргізіліп жатыр.
