Семейде әскери машина аударылып, сарбаз қаза тапқан, - деп хабарлайды Tengrinews.kz тілшісі ҚР Қорғаныс министрлігінің ресми мәлімдемесіне сілтеме жасап.
"2017 жылғы 19 қыркүйекте сағат 14.30 шамасында 44736 әскери бөлімінің механик-жүргізушісі жауынгерлік даярлық сабақтарынан келе жатқан уақытта жол көлік оқиғасы салдарынан қаза болды", - делінген мәлімдемеде.
Сондай-ақ, Жол-көлік апатының себептері анықталуда, тексеру жұмыстарын жүргізу үшін комиссия тағайындалғаны айтылады.
ҚР Қорғаныс министрлігінің басшылығы және Қарулы Күштердің барлық жеке құрамы қаза болған сарбаздың отбасына қайғысына ортақтасып, көңіл айтады.
© facebook.com/serge.leekhan
