+7 (777) 001 44 99
Қазақша
Русский
English
Семейде жолдан өтіп бара жатқан ер адамды мас полицей қағып кеткен, - деп хабарлайды Tengrinews.kz тілшісі. ЖКО екінші қараша күні сағат 21:00 шамасында болған.
Туыстарының сөзіне қарағанда 60 жастағы қария Қаржаубайұлы көшесін жаяу жүргінші жолымен кесіп өтіп бара жатқан. Куәгерлердің айтуынша, көліктердің екі қатары адамды өткізу үшін тоқтаған, ал бір көлік үлкен жылдамдықпен өтіп бара жатып ер адамды қағып, 80 метр жерге дейін апарған. Қария оқиға орнында көз жұмды. ІІБ мәліметінше, Lexus маркалы көлік осыған дейін жол патрулдік қызметінде істеген жергілікті учаскелік полицейге тиесілі. Туыстарының айтуынша, полицей оқиға орнынан кетіп қалып, көлігін ТЖО аумағында жасырып, жаяу қайтып келген. ІІБ өкілдері ақпаратты растады.
23 жастағы көлік иесі шенін көтеруді тойлап, мас күйде рөлге отырған. Ол өз кінәсін мойындады.
Қазір көлік иесі уақытша қамау абақтысында. Сот алды тергеу жұмыстары жүргізілуде.
