Семей қаласында №12 мектеп өртенді, - деп хабарлайды 24.kz телеарнасы.
Қаладағы №12 орта мектептің ғимараты қызыл жалынға оранғаны жөніндегі хабар кезекші бөлімге сағат 04:00 шамасында түскен. Оқиға орнына жедел жеткен өрт сөндірушілер кірпіштен салынған 3 қабатты ғимараттың бірінші қабатындағы бөлменің жанып жатқанын анықтаған.
Тілсіз жаудың беті дер кезінде қайтарылды. Қызыл жалын 10 шаршы метр аумақты шарпыған. Өртпен айқасқа 26 адам мен 7 техника жұмылдырылған. Алдын ала болжам бойынша, өрт қасақана қойылуы мүмкін. Өйткені терезе шағылыпты. Дәл қазір оқиғаның анық-қанығын полиция қызметкерлері анықтап жатыр. Бұл туралы Семей қалалық Төтенше жағдайлар басқармасы хабарлап отыр.
