+7 (777) 001 44 99
Қазақша
Русский
English
Екі ер адам мекеме қызметкерлеріне COVID-19 ПТР-тестінің теріс нәтижесімен колонияда жазасын өтеп жатқан досымен кездеспек болған, - деп хабарлайды Рolisia.kz.
Полицейлердің мәліметінше, колония қызметкерлері анықтамаларда тұрған мөрге күмән келтірген. Медициналық мекемеге хабарласқаннан кейін құжаттың жалған екені анықталған.
"Екі ПТР-тест нәтижесі "Жедел жәрдем ауруханасынан" берілген, бірақ штамп басқа ауруханада қойылған. Медициналық анықтамада көрсетілген телефон номерына хабарласқаннан кейін тест жалған екені анықталды", - деді облыстық департамент басшысы Жанболат Калетаев.
Кездесуге келушілер ПТР-тесттің теріс нәтижесі тураы анықтаманы қайдан алғанын тәртіп сақшыларына түсіндіре алмаған. Колония қызметкерлері жағдайдың мән-жайын анықтау үшін жедел топ қызметкерлерін шақыруға тура келген.
Еске салайық, 17 наурызда Қазақстанда сотталғандарды вакцинациялау жұмыстары басталған болатын.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
