+7 (777) 001 44 99
Қазақша
Русский
English
Семейдегі жоғары оқу орындарының бірінің кітапханасынан өрт шықты, - деп хабарлайды Tengrinews.kz тілшісі ШҚО ТЖД баспасөз қызметіне сілтеме жасап.
ТЖД мәліметінше, 1987 жылы салынған үш қабатты ғимарат өртенген. Оқиға орнына 50 өртсөндіруші мен 14 техника жұмылды. Өртсөндірушілер жұмыс барысында өрт ошағы кітапхана ғимаратынан шыққанын анықтады.
Өртсөндірушілер газ-түтіннен қорғау қызметінің төрт буынында жұмыс істеді. Сағат 8.05-ке қарай 150 шаршы метр алаңды шарпыған өрт жойылды.
Өрттің шығу себебі ШҚО ТЖД Өрт сөндіру зерттеу сынақ зертханасында анықталады. Қаза болғандар мен зардап шеккендер жоқ. Өрт кезінде ғимаратта ешкім болмаған.
Сурет: ШҚО ТЖД
Сілтемесіз жаңалық оқисыз ба? Онда Telegram желісінде парақшамызға тіркеліңіз!
