+7 (777) 001 44 99
Қазақша
Русский
English
Шешесіне құрметсіздік көрсеткен Қарағанды облысының тұрғыны әкімшілік жазаға тартылды, - деп хабарлайды Tengrinews.kz тілшісі Шет аудандық сотының баспасөз қызметіне сілтеме жасап.
Соттағылардың мәліметінше, ер адам мас күйінде анасымен жанжалдасып, оған балағат сөздер айтқан.
Шет аудандық сотында ер адамға қатысты ҚР Әкімшілік құқық бұзушылық туралы кодексінің 73-бабының 2-бөлігі бойынша ("Отбасы-тұрмыстық қатынастар аясындағы құқыққа қарсы әрекеттер") әкімшілік іс қозғалды.
Соттың үкімімен ер адам айыпты деп танылды. "Әкімшілік жаза ретінде 4 күнге қамауға алынды", - деп хабарлады соттағылар.
Сот үкімі әлі заңды күшіне енген жоқ.
