Шахтинскте адам өліміне әкеп соққан жол апатының видеосы жарияланды

Жансая Қадыржанова Корреспондент

Әлеуметтік желілерде жаяу жүргіншінің өліміне әкеп соққан жол апатының видеосы жарияланды. Оқиға көшедегі бейнебақылау камерасына түсіп қалған, - деп хабарлайды Tengrinews.kz тілшісі.

Әлеуметтік желілерде жаяу жүргіншінің өліміне әкеп соққан жол апатының видеосы жарияланды. Оқиға көшедегі бейнебақылау камерасына түсіп қалған, - деп хабарлайды Tengrinews.kz тілшісі.

Бұл оқиға былтыр қаңтарда Шахтинск қаласында болған. 29 жастағы жүргізуші жаяу жүргінші әйелді қағып кеткен. Жәбірленуші алған жарақаттарынан қайтыс болды. Видеоға қатысты Қарағанды облысы Полиция департаменті анықтау басқармасының бастығы Алмаз Саламатов пікір білдірді.

Посмотреть эту публикацию в Instagram

Публикация от Алмаз Саламатов (@salamatov_almaz)

"Видеодан жол апаты қарсы қозғалыс жолағында болғаны көрінеді. Жол қозғалысы ережелеріне сәйкес жүргізуші жол және метеорологиялық жағдайларды ескеруі, көлікті басқара алуы керек. Жүргізуші тұрақты жылдамдықпен жүрмей, жолаққа шығып кетті. Бұл іс сотта қаралды. Жүргізушіге 2,6 жылға бас бостандығынан айыру жазасы тағайындалды", - деді Алмаз Саламатов.

Сондай-ақ, ол егер жүргізуші көктайғақ жағдайында көлікті кенет тежемесе, жаяу жүргіншіні қақпай, өз жолымен жүре алатынын айтты.

Айта кетейік, былтыр Қарағанды облысында 132 жол апаты тіркеліп, 161 адам қаза тапты.

Сілтемесіз жаңалық оқисыз ба? Онда Telegram желісінде парақшамызға тіркеліңіз!