29 мамыр 2021 | 16:41

Шарында селден 2 адам қаза тауып, 6 адам зардап шекті

Алматы облысының Ұйғыр ауданындағы Шарын шатқалында қайғылы оқиға болды. Сел жүріп алты адам жарақат алды, 2 адам қаза тапты, - деп хабарлайды Tengrinews.kz тілшісі.

Алматы облысының Ұйғыр ауданындағы Шарын шатқалында қайғылы оқиға болды. Сел жүріп алты адам жарақат алды, 2 адам қаза тапты, - деп хабарлайды Tengrinews.kz тілшісі.

Жалғасы

■

Шарын шатқалында бір топ адам селмен ағып кеткен видео пайда болды

29 мамыр 2021, 23:13

■

Шарын шатқалындағы сел: мұғалім мен оқушы қаза тапты

30 мамыр 2021, 11:46

■

"Сүйікті ұстаз". 26 жастағы педагог Шарында балаларды құтқарамын деп қаза болды

31 мамыр 2021, 13:57

"29 мамырда сағат 13.35-те Алматы облысы ТЖД-ға Ұйғыр ауданындағы Шарын шатқалының төменгі бөлігінде балшық-сел жүргені туралы хабарлама келіп түсті, салдарынан 6 адам зардап шекті, 2 адам қайтыс болды, оның ішінде біреуі кәмелетке толмаған, бір адам хабар-ошарсыз кетті", - делінген хабарламада.

Зардап шеккен адамдарға шұғыл медициналық көмек көрсетілді, жоғалып кеткен адамдарға іздестіру-құтқару жұмыстары ұйымдастырылды. Бұл туралы ҚР ТЖМ ресми өкілі Талғат Уәли мәлімдеді.

Балшық-сел тасқыны ауа райының күрт өзгеруінен болған. Қысқа мерзімді нөсер жаңбыр болғаны хабарланды. Шамамен 15 минут бұршақ жауған.

Оқиға орнында Алматы облысы ТЖД-ның 31 қызметкері мен 8 техникасы, 4 жедел медициналық жәрдем көлігі мен оның 6 қызметкері, ЖАО және полиция қызметкерлері жұмыс істеп жатыр.