+7 (777) 001 44 99
Қазақша
Русский
English
Шығыс Қазақстан облысының Төтенше жағдайлар департаменті Шемонаихадағы жарылыстан кейін шыққан өрт жойылғанын хабарлады, - деп хабарлайды Tengrinews.kz тілшісі.
Ведомство мәліметінше, өрт жергілікті уақыт бойынша 16:16-да сөндірілген. Алдын ала мәлімет бойынша, өрт аумағы 80 шаршы метр болады. Екі адам зардап шеккен, мекеменің 1974 және 1975 жылы туған қызметкерлері термиялық күйікпен ауруханаға жеткізілгені айтылды.
Ведомствоның баспасөз қызметі оқиға орнынан түсірілген кадрларды бөлісті. Мәліметтер бойынша, жалынды сөндіруге бес өрт сөндіру көлігі мен 12 адам жұмылдырылған.
Кадрларда бес техника жанып кеткені көрінеді.
Еске салайық, бұған дейін Шемонаихадағы газ құю станциясында жарылыс болып, екі адам зардап шеккені хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
