+7 (777) 001 44 99
Қазақша
Русский
English
Шығыс Қазақстан облысында балаларды тасымалдап келе жатқан автобус жүк көлігімен соқтығысып қалды, - деп хабарлайды Tengrinews.kz тілшісі.
Автобус балаларды Өскеменнен Шемонаиха ауданына спорт жарысына апара жатқан.
"Алдын ала мәліметтер бойынша, Howo жүк көлігі қарсы жолаққа шығып, автобуспен соқтығысқан. Оқиғаның мән-жайы анықталып жатыр", - деп мәлімдеді ШҚО Полиция департаменті.
Алдын ала мәлімет бойынша, жол-көлік оқиғасынан 8 бала зардап шеккен. Олар ауруханаға жеткізілді, диагноз анықталады.
"Қаза тапқандар жоқ, зардап шеккендердің саны анықталады", - дейді Полиция департаментінің өкілдері.
Бұған дейін Ақтөбе облысында 45 жолаушы отырған автобус аударылғаны хабарланған.
