Шу маңындағы пойыз апатынан 11 адам зардап шекті - Бас прокуратура

17 Маусым 2018, 18:22
0
Шу маңындағы пойыз апатынан 11 адам зардап шекті - Бас прокуратура -

Шу маңында вагондардың рельстен шығып кетуінен 11 адам зардап шегіп, 12 жастағы бір бала қаза тапқан, - деп жазады Tengrinews.kz тілшісі Бас прокуратураның баспасөз қызметіне сілтеме жасап.

Бас прокуратурадағылардың айтуынша, Жамбыл облысы Шу қаласынан 50 шақырым жердегі магистралдық учаскеде "Астана-Алматы" бағытындағы 20 вагоны бар жолаушылар автобусы рельстен шығып кеткен. Салдарынан рельстер 8 жолаушылар вагоны шығып кеткен, оның ішінде екеуі аударылған.

"Апаттың себебі анықталып жатыр. Алдын ала мәлімет бойынша, жолаушылар пойызының апатынан 2006 жылғы бала қаза тапқан. Медициналық көмекке 11 адам жүгініп, оларға жәрдем көрсетілген. Зардап шеккен екеуі Шу қаласындағы ауруханада күшейтілген тәртіпке көшірілді", - деп хабарлады прокуратурадағылар.

Оқиға орнында Бас көлік прокуратурасы прокурорларының, көліктегі ішкі істер органдары қызметкерлерінің, жергілікті атқарушы органдары өкілдерінің және жедел қызмет пен жедел жәрдем қызметкерлерінің жұмыс істеп жатқаны айтылады. 

"Шу станциясындағы ЖІІБ ҚР Қылмыстық кодексінің 344-бабының 2-бөлігі бойынша қылмыстық іс қозғады. Тергеу барысы Бас көлік прокуратурасының бақылауына алынады", - деп хабарлады баспасөз қызметіндегілер.

Мұның алдында ҚР ИДМ баспасөз қызметі Шу станциясы маңында пойыздың рельстен шығу себептерін тексеретін комиссия құрылғанын хабарлаған. 

"17 маусымда 13.25-те Сарышаған-Шу учаскесінде Астана-Алматы бағытындағы #9/10 пойызының жолаушылар отыратын 8 вагоны рельстен шығып кетті. Төтенше оқиға машинист теміржолдың қисайғанын көріп, көлікті шұғыл тежегенінен кейін болды. Оқиғаны тексеру үшін ҚР ИДМ Көлік комитеті жанынан арнайы комиссия құрылды", - деп хабарлаған еді ҚР ИДМ өкілдері.

Куәгерлер оқиға орнынан суреттер мен видеолар жолдап жатыр.

 

Еске салайық, бүгін, 17 маусымда сағат шамамен 14.00-де Жамбыл облысындағы Отар мен Шу станцияларының арасында төтенше жағдай болған еді. Мұның алдында үш вагонның рельстен шығып кеткені хабарланған.

 

Куәгерлер жолдаған суреттер

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай